Aksionarët e Kompanisë e përcjellin afarizmin dhe politikën makroekonomike të saj përmes Asamblesë e cila e emëron Bordin Drejtues. Bordi Drejtues i Kompanisë e emëron Drejtorin e përgjithshëm, të cilit i besohet udhëheqja e drejtpërdrejtë e afarizmit, politikës afariste dhe organizimit të kompanisë dhe për punën e tij i përgjigjet Bordit drejtues. Drejtori i përgjithshëm, në bazë të akteve normative, emëron dejtorët e filialeve dhe shefat e ekspoziturave, të cilët janë përgjegjës për afarizmin rajonal. Drejtoria qendrore e Kompanisë është e organizuar në Departamente dhe shërbime. Drejtori i përgjithshëm emëron drejtorët e departamenteve dhe shefat e shërbimeve, të cilët janë përgjegjës për punën e tyre dhe punën e departamenteve apo të shërbimit të cilin e udhëheqin.